Aman ka jo paigam sunane wale hai..
Galiyo Galiyo aag lagane wale hai..
 
Tum le jao neza khanjar aur talwar..
Hum maqtal me sar le jane wale hai.. 
 
zulm ke kale badal se darna kaisa..
ye mausam to aane jane wale hai..
 
Bimaro ka ab to khuda hi hafiz hai..
sare masiha zahar pilane wale hai..
 
jan bachane wale to sab hai lekin..
Ab kitne iman bachane wale hai..
 
Ham ko un waliyo ki nisbat hasil hai..
dasht ko jo gulzar banane wale hai..
 
bhuka rah ke sail ko khairat jo de..
ham bhi “Majid” usi gharane wale hai..!!!
Do you Like this story..?

Get Free Email Updates Daily!

Follow us!